عزوا الهيبة بفقدان شيخ عظيم

عـــزو الخــال جــعل الله يحسن عــــزاه
في وفاة الفقيد اللي خذاه الكريم

ما بـــقي واحــد يـــسمع به الا بـــــكاه

المـــدامع تهـــاما والمشــاعــر حــــــطيم

والوجيه اجـــهمت حـــزن يسولف غــــلاه
ليت الأعمار تفـــدى ما دفنا الحـــشيم

يا كــثر من يقول القبر أنا له فــــداه

راح ملجأ الدريك أبو الفقير اليتيم

كـــل مـــن يلتجئ بحــماه ينسى عــــناه
ودعه مصحف فــي مســجده فـــالعتيم

ودعـــه صـــوت مـــذن فالفــجر للصـــــلاه

عـــزو الـــدار روح شيـــخها والنــــديم

وعـــزو المجلس اللي ســـعد مــنهُ نصــــاه
عـــزو الذود والطـــوقي وعــزو خـــريم

وعـــزو الرمــــله اللــي رمـــلها قد وطــــاه

عـــزو البندق وطير بوصـــفه عـــديم

عـــزو القنـــص كـــله راح شـــيخ هـــــواه
عـــزو المـــرجله راح القــوى الحــليم

راح شيـــخ عشــقها والصـــبر من قـــــــواه

يـــوم يكتب علينا ما عــليها مقـــيم

كلـــنا يـــوم يكـــتب بس يبــقى ســــواه
رحمة الله على اللي في سماء الطيب غيم

وبلــه المـــاطر اللــي مـــن يشـــوفــــــــه رواه

لين ذكرت فعــول الطيب فعله قديم

والمـــراجـــل عســـفها واستــــقرت حــــــــشاه
في خصـــاله لنا عبرة وراي حكــــيم

مشـــــعل ما يتـــيه اللي تقــــدا ســــــــــناه

القصائد وانا فالشيخ خصم وخصيم

لو كتـــــــبت الف بيــــــت ما تـوفي جـــــزاه

كل ما اكتب يصير الشعر ليل بهيم

مثل صـبح الكفيف اللي قديم عــــــــماه
عز والخـــال لا راح الولـــد والحـــميم

وعزو الصـــبر فيــنا لا بكـــى ما نـســـــاه

جـــعل قبر وضع به جـــنة من نعيم

وجــــعل الـــرب يقبـــل دعـــوة اللي دعـــــاه
والعوض في هل المجد الشهير السليم

في شيــــوخ لهم بالمـــــجد خطوة وجـــــــاه