سعود-بن-عبد-الله-بن-محمد-بن-عبد-الرحمن-آل-سعود copy

عزوا الهيبة بفقدان شيخ عظيم

عـــزو الخــال جــعل الله يحسن عــــزاه
في وفاة الفقيد اللي خذاه الكريم

ما بـــقي واحــد يـــسمع به الا بـــــكاه

المـــدامع تهـــاما والمشــاعــر حــــــطيم

والوجيه اجـــهمت حـــزن يسولف غــــلاه
ليت الأعمار تفـــدى ما دفنا الحـــشيم

يا كــثر من يقول القبر أنا له فــــداه

راح ملجأ الدريك أبو الفقير اليتيم

كـــل مـــن يلتجئ بحــماه ينسى عــــناه
ودعه مصحف فــي مســجده فـــالعتيم

ودعـــه صـــوت مـــذن فالفــجر للصـــــلاه

عـــزو الـــدار روح شيـــخها والنــــديم

وعـــزو المجلس اللي ســـعد مــنهُ نصــــاه
عـــزو الذود والطـــوقي وعــزو خـــريم

وعـــزو الرمــــله اللــي رمـــلها قد وطــــاه

عـــزو البندق وطير بوصـــفه عـــديم

عـــزو القنـــص كـــله راح شـــيخ هـــــواه
عـــزو المـــرجله راح القــوى الحــليم

راح شيـــخ عشــقها والصـــبر من قـــــــواه

يـــوم يكتب علينا ما عــليها مقـــيم

كلـــنا يـــوم يكـــتب بس يبــقى ســــواه
رحمة الله على اللي في سماء الطيب غيم

وبلــه المـــاطر اللــي مـــن يشـــوفــــــــه رواه

لين ذكرت فعــول الطيب فعله قديم

والمـــراجـــل عســـفها واستــــقرت حــــــــشاه
في خصـــاله لنا عبرة وراي حكــــيم

مشـــــعل ما يتـــيه اللي تقــــدا ســــــــــناه

القصائد وانا فالشيخ خصم وخصيم

لو كتـــــــبت الف بيــــــت ما تـوفي جـــــزاه

كل ما اكتب يصير الشعر ليل بهيم

مثل صـبح الكفيف اللي قديم عــــــــماه
عز والخـــال لا راح الولـــد والحـــميم

وعزو الصـــبر فيــنا لا بكـــى ما نـســـــاه

جـــعل قبر وضع به جـــنة من نعيم

وجــــعل الـــرب يقبـــل دعـــوة اللي دعـــــاه
والعوض في هل المجد الشهير السليم

في شيــــوخ لهم بالمـــــجد خطوة وجـــــــاه