يا بوي لو شفت يوم العزا فيك عزيت

وتـــــــــدفــــقت شيـــــــبانــــــها والشبيــــــــــبه

يا بوي ونيت من أقصى ضميري وناديت

وين أنت يـــا شيــــخ الحـــمول الثقــــــــيلة

يا بـوي عفــت أنا الدنـــيا ومليـــــــــت

وبكــــيت أنــا دمــــع تــدافق همـــــــــيله
يا بوي لو هي بالفدا كان أنا أفديت

روحـــي وغيـــري فــي سبيـــلك رخيـــــصة

يا بوي كـــم واحد جـــاك وأجزيت

وأعطيت من مالـــك ومـــا هـــي غــــريبه
يا بوي كــم واحد فكيت دينه ولبيت

وكم واحــــــد يدعى لـــكم فـي ظمــــيره

يا بوي كم واحد جاك يشكي وحليت

وكـــــل الصـــــعاب تحـــولت لك سهــــــــيله
يا بوي كم واحد جاك وكفيت

عنــــــه المصـــيبة وحمله اللي يشــــــيله

يا بوي كم من يتيم جاك وانهيت

عنـــه المصــــاعب والليــــــالي المـــــــريره

يا بوي يا شيخ القــروب المزاميت

زيـــــن العــــــلوم مسخـــــــرتـــها يمـــــــينه

يا بوي كم واحد ينعاك بالعرف والصيت

حـــتى البـــــزور ومســــــــبلات الجـــــــــديـــله

يا بوي لو كان القدر ينصد صديت

عنــــــك المنـــــــيه للسنــــين الطـــــــويله

يا بوي ذي سنة للخلق وما فيه تفويت

رب العـــــــباد مســــــــطرة فــــي جبــــــــــينه

يا بوي ينك في العــلا فوق عليت

وراعـــيت ربـــك في صغيـر وكـــــــبيرة

يا رب سبحانــك جـــلالك تعـاليت

تجــــعل مكــــانه في جـــنان وسيـــــــعه
رحماك ربي كل ما أسرفت وأخطيت

رحـــــماك ربي فــي دقيـــــقة وجليــــــــله